رحلة شراء أثاث العرس

القصة :: رحلة   شراء   اثاث  العرس
الكاتب :: سند السند .......> أخو الذيب

  

باسماء عرفناهم بـ رواية من رحلاتنا للبر على هالرابط كامله
قصة طويلة من رحلاتنا للبر

وهاهم الان معكم برحله اخرى

اسماء شلتنا

/|\ /|\ (محمد: التختور العاقل) , ( عبدالعزيز: العنيد العصبي) , ( سلمان: الدب الدفش) , ( احمود: الطويل المفهي) , (سند: القزم المقرود) /|\ /|\

      
مسك خط الرياض القصيم على هايلوكس غمارتين ما فيها نسافات رايح يبغى يشتري  اثاث  لبيته لانه يبغى يدخل عش الزوجيه. وصديقه على سيارته بيلحقه عشان يحملون الاثاث على سياراتهم. وهناك بالعاصمة الرياض ينتظرهم اصدقائهم.

بعد ما طلع من البقاله وشرى له سبع ابكات دخان تقل الرياض مقطعه مافيها ولا بكت ومشغل المكيف هالفجر وكحت من هـ التتن .

اتصل على صديقه :

....... : السلاااااااام عليكـــم
سند : هلا والله هاه بشر وصلت الرياض
احمود : اما وصلته لاوالله توي اطلع من محطة ام سدره
سند متحمس : اما توك تطلع
احمود يمطع الحلف مصدق : ايوالله (شكل الحلوف عنده بلاش)
سند متعجب ببلاهه : اجل وش تبي داق علي
احمود بيقهره: الله يفطنك لشهاده ابسالك تعرف محلات بالرياض
سند انبطت كبده من كثر هالسؤال : يا كرهيلك سألن يجي مية مره الله يلعن ابو العروس عشانك
احمود بيقهره زياده: كل تبن هذا وانا عازمك ترى والله ما اخليهم يدخلونك قصر الافراح
سند : هههههآآآآي ترى والله ني لـ اتصل على نسيبك اخليه يكنسل العرس
احمود بثقه : اتحداك
سند : لاتحدى ترى ابقوله انه كد سافر برى السعوديه وانه خنبق بالأمور السفله وابقوله يتتن (يدخن) وابخليه يقول لخطيبتك انه يبي يوريتسس نجوم القايله لانه دبلة تسسبد ومفهي وريحة اثمه تسد النفس
احمود انقهر : والله ما دبلة التسسبد غيرك ولا يسد النفس غير خشتك وبعدين ماتقدر تخرب علي لانها تموووت بي
سند : اخس اخس واثق الأخ مير تدري الله يهنيك
احمود اندبلة كبده : تبي شي بسكر اصلن ما عندي شغل قلت اتصل عليك
سند: ايه اصبر ابقول لعيال ياقفون لك باول الرياض على شان يدلونك
احمود : اتصل بالدبلة اعزيز ولا يرد
سند : ههههههه الرجال متطور ما يقوم الا الساعه احدعش (شكلهم ما عمرهم نامو الى الساعة سبع صـ ...>(*ــ^)
احمود : اخس اخس ياعزيز بالا والله ماهو عند ابيه عشان يتودسه من الفجور هههههه
سند يغير الموضوع : الا ابسألك ما دقيت على سلمان
احمود : الا اتصلت يجي خمسين مره عليه ولا يرد واخر شي بدا يسكر السماعه بوجهي ههههههه
سند يبي يخرش قلبه : تراي خابره بالشرطه محجوز
احمود يخلي الدركسون ويطق صدره: إإإإإححححي ياحزني وشو مزين
سند بدى يخرط عليه: متودسن له هندي وشكل الهندي بيموت
احمود انهبل : الله يستر منه اللي قايلك
سند : تو واجهت محمد بسوق التمر ويقول عبدالعزيز مكلمه اخر الليل ومعلمه
احمود تقل ماصدق: يعني صدزز
سند : ايو الله متوطين بحوض بطنه توطي ...> (الا صدق ان الحلوف بلاش)
احمود : وشو مسوين له الهندي
سند بدى بالخرطي : يقول سلمان اني ساج وانقش خشمي عند الاشاره
احمود مفهي ومتابع: ايه
سند : والهندي جاين يمشي خمسة الاف (اما خمسة الاف )
احمود يقاطعه : عسى ما هو اصدمه
سند بيكبّر السالفه : الا صدمه وسلمان يقول ماهمتن الصدمه اللي همه انه قطع عليه هواجيسه
احمود : عسى بس ما مات الهندي
سند : لا والله يقولون بالمستشفى
احمود رد النفس: ايه اشوى الحمدلله
سند تووه يبي يكذب : تبي تعرف وشلون تودسه
احمود استانس: ههههه عاد اعرفه دفشن يحوم التسسبد وش صلح له
سند يكمل : بعتد ما صدمه الهندي وقطع عليه الهواجيس نزل عليه الدب وسحبه مع القزازه و ارفعه فوووق ومسسسطبه بالرصيف همن قعد على بطن الهندي وزووى فنيلته وبراسه عاطاه كمن ظربه لمين اغمي عليه احمود قاطعه :ايوه سند يكمل الكذب:همين سوابه سوفلكس خلفي وثبته على الرصيف
احمود متحمس : هههههههههه ليتي حاضره (حشى مصارعه هالدفوش)
سند : والهندي الحين بالمستشفى معيين يتنازل
احمود : والسياره جاه شي
سند وهو مايدري وش صاير بس يخرط على المفهي: الصدام انعفط شوي وسيارة الهندي انكسر الشبك والانوار اللي قدام وبدى يشلخ يكمل يقول والكبوت انعفط لان الدب عقب ما ثبته انبزه فوق وصبخه على الكبوت وانعفط الكبوت
احمود جاه احباط: وسلمان متى بيطلع
سند : يقول لازم الهندي يتنازل
احمود : اغديه يتنازل قبل اصل الرياض
سند : وشهو له
احمود : هههههههه على شان يحترين ويدلن على المحلات
احمود بسرعه : سند يالله مع السلامه قدامي نقطه تفتيش
سند : اربط حزام الامان ويالله مع السلامه

احمود وقف عند النقطه ...

العسكري : اثباتك لو سمحت
احمود طلع الاثبات ومده للعسكري : سم
العسكري يقرا اثبات احمود وبعدين قال : حياااا الله احمود
رد احمود بغى ينزل يسلم : هلا والله كيف حالك ويمد يده للعسكري
العسكري يصافحه وانهبل من مد اليد: الحمدلله ....(*ــ^) معرفه الأخ هههههه
احمود على نيه قاله : ماعليش تراي ماعرفتك
العسكري ابتسم ما وده يفقع بوجهه ضحك لان احمود واضح وجهه انه بــرئ وهو يسأله انه ما اعرفه ههههه ام التتنيح هههه
بعدين تكلم العسكري وهو يمد الاثبات لـ احمود : سم اثباتك يا احمود
احمود : سم الله عدوك وبيقول تراي ما عرفتك
قاطعه العسكري وهو يطق الباب من عند الشباك المفتوح وهو يضحك : توكل على ربك الله يستر عليك

مشى من عند نقطة التفتيش وكوح من هالتتن لان ما طاح بالدخان الا من قريب عقب ما صك الخمس وعشرين
همن مشى مسافة وتقريبا بنفود الثويرات اخذ جواله من فوق الطبلون وضغط الخضراء تقل ما يعرف غير سند

رد سند : هلا والله بعدين سأله هاه بشر وصلت .... (وانا اكتب انقهرت والله لوهو على افــ صاروخ قال ايه قال وصلت هههههههههه)
احمود رد : لا والله الحين بنفود الثويرات .... (اسمعو الرد عاد . شكله صدق ههههههههه)
سند انتبه وبيصرف: وش عندك داق علي
احمود تذكر العسكري: تذكر يومني اقولك النقطه
سند تحمس: ايه
احمود : طلع العسكري يعرفن يومني وقفت واخذ اثباتي قال لي هلا احمود
سند يقاطعه : صدق
احمود يمطع الحلف: ايو الله
سند متحمس : تعرفه انت
احمود لسى مستغرب : لا والله ما اعرفه حتى اني قلت له من انت وقال رح يا احمود الله يستر عليك
سند : ولا تسسد شفته
احمود : والله من اليوم وانا اتذكره بس عجزت لا القاه
سند : حاول تذكره عشان اذا رجعنا نسير عليه (شكلهم ما ينعطون وجه بيسيرون هذا اللي همهم )
احمود متنح : تبي شي
سند : لا سلامك واذا وصلت دق علي
احمود : ابشر بمان الله
سند : هلا امنك الله

(ما تلاحظون هـ المكالمات كلها ما لها داعي , ياحظ الاتصالات بس على بعض المكالمات)

بـ الرياض نشوف سلمان بالحجز .

سلمان متكي على باب الحديد حق الحجز وجا من قدامه عسكري : اقول ابو حمد ما دق عبدالعزيز (شكل الدب متعرف على اللي بالمركز كلهم)
العسكري : لا والله ياسلمان بس واحدن اسمه بجوالك المفهي اشغلنا ماخلى الجوال يشحن واقفل بوجهه ولا ينفع فيه
سلمان يضحك : ههههه ايه هذا واحدن من الديره يبي يجي اليوم لـ الرياض ما عليك منه متعود على طوط طوط ههههههه
سلمان :ماتدري هو صحى ابو هنود
العسكري ابو حمد منقهر : لا والله عساه مايصحي ابد ترى دابلن كبدي على نصبه اجل دقيشة ماهي شي يغمى عليه
سلمان تذكره يومنه يصدمه : ايو الله انك صادق الله يفرجه بس
ابو حمد العسكري : تبي شي من برى ابروح للبقاله وابرجع
الدب او قصدي سلمان : ايه تكفى جبلي خبز تميز وفول
(نسيت لا اقولكم تراهم بالصبح يعني احمود جاهمن الفجر ههههه)
ابو حمد العسكري : ابشر وابمر على الهندي ابشوف انكانه صحى
سلمان : ايه تكفى وانتسسانه ما صحى شفلك صطل ماء او قارورة صحة وارشقه على خشته
ابو حمد : ههههه والله انك صادق نصابين هالبنقال
سلمان انبلم : بنقالي اثره اللي صدمن
ابو حمد : اجل وش تحسبه
سلمان : اقول ان الهندي دابة سليمه وتلقاه مع مطامن الارض يمشي ماهو مثل البنقالي نذل
عسكري ثاني جاهم : لسى ما رحت يابو حمد
ابو حمد : هذا انا مشيت نسلم عليكم
العسكري الثاني : لاتنسى الجرايد
ابوحمد وهو طالع : ابشر ولا يهمك
سلمان منفعل: اقول يابوفهد طلع اللي صدمن بنقالي ابن اللذين
ابو فهد بتأسف :ايه الله يعيننا عليه هذولا حتى الواسطه ما تنفع بهم
سلمان : قل خل نجمع من الحين جاهيات وفلوس
ابو فهد : لا يبغى يتنازل غصب من ورى فرته اصلن الصدمه كلها ماهي شي وهو المخطي
سلمان بترجي: تكفى ترى ماهنا الا الله ثم انتم الله يخليكم لنا
ابو فهد : والله انها من كبدي وانا اشوف واحد سعودي بالحجز بسبة بنقالي والمشكله هوالمخطي
سلمان : الله يعيننا عليهم
ابوفهد تذكر : سيارتك كم موديلها
سلمان : اللي كانت معي سيارة اخوي الكبير جيب لكزس موديل العام
ابو فهد : بس عسى ما صار له شي يومنك تظربه
سلمان : لا ان شاء الله اصلن نزلت من السياره وكلها كف واحد وطاح يسوي حاله مغمى عليه
ابو فهد يعتذر: ان شاء الله مايصير غير الزين وبعد اذنك عندي اجتماع ياسلمان واذا بغيت شي صوت لاحد العساكر وانت لاتشيل هم
سلمان : الله لايهينك وماهم مقصرين الشباب وعسى الله يقويكم ويحفظكم
ابو فهد مازال يعتذر : امين وترى ياسلمان ما بيدي شي
سلمان قاطعه : ادري والله يابو فهد تنفرج وانا اخوك
ابو فهد منحرج : يالله مع السلامه
سلمان : هلا والله

( انا يعجبني العسكري اللي كذا شخصية مثل ابو حمد وابو فهد تحصلهم اخلاق وشخصيتهم قويه وفاهمين ومتفهمين مع الشاب السعودي , وياقفون مع ابن الوطن حتى النهايه فيما يرضي الله ثم الوطن )

نروح أقصد نذهب لـ عبدالعزيز اللي نايم بالشقه ..

عبدالعزيز نايم : ويشاخر والسعابيل ماليتن الوساده والمنبه يدق,ولا جاب خبر.. صادق احمود يوم يقول ماهو عند ابوه ههههه

نترك عبدالعزيزيكمل نومه ونشوف احمود وين وصلـ

احمود جامدن من البرد والمكيف على الاخير ومنهبل من صوت التريلات وده يفتح القزازه على قولت اللقايل يتنفه

مولع زقارته عاد توه طايح بالدخان ما تطفي ابد هههههههه
الوكاد انه شاف جمس صالون مظلل اسود بجنبه على الطريق السريع وقال اكيد انهم عائله وبدى يصلح شخصيته ويتميلح يعني اني وصار يترزز واخذ الجوال كني راعي مغازل ويتميلح وتطيح الزقاره على فخذه ومعـط أأأأوووم البريك ووووععععع وبغى يدخل بالجمس اللي جنبه مير الله ستر وطب مع المسحيه اللي جنب السريع .

ويلعن على سند ... الله يلعن ابليسك ياسند كله منك يوووه يافخذي
احمود ينفظ ثوبه بعد ما نزل من السياره ويلعن : الله يلعن الدخان ويلعن الساعه اللي عرفتها فيه
همن بدا يتويل : ياويلي ياحسافت ثوبي حسافاه تشقق ويصفق يدينه ببعض

احمود مشى بعد ما تنفظ وتشقق ثوبه وحلت الدخان وحلف ما يطب اثمه بس انه خلى بكت بالدرج يقول يمكن تجي عازته .

مسك الطريق وماسكن جواله يتصل ويدقدق على جوال سلمان وعبدالعزيز .

عند عبدالعزيز

عبدالعزيز ياخذ جواله ويقول يالله صباح خير وش هالازعاج : نعم وش تبي
احمود : نعامة تفرس فوق راسك ياللي ماتستحي نيمٍ لهلحين ما تدري اني ابعرس
عبدالعزيز يبتسم : هههه هلا و الله بالمعرس اسفرت وانورت الرياض
احمود يخش بالموضوع سيده: صدق سلمان صادمه هندي
عبدالعزيز كني متعجب : اسم الله وش يدريك
احمود يبي يتسذب فتح اثمه : هه اما وش يدرين ادري ان الهندي يفاغر (يفاغر:يعني بين الحياة والموت) وادري ان سلمان مردغن والدين والدينه
عبدالعزيز يمشيها : اهب اهب من معلمك
احمود يقاله حريف : معلمن فرخ الذيب , وقالي ان سلمان حاشرن الهندي بزاويه ورتسسب فوق الهنقلين (الهنقلين:الشبك اللي فوق السيارة يركبونه ) همن طار من فوقه وتشقلب وضربه برجلينه وطاح الهندي مغمى عليه . همين ربظـ بحوض بطنه وبدى يلين عليه براسه لمين انه مات همن سوو له تنفس صناعي وحيي همن فقد الذاكره واغمي عليه .
عبدالعزيز : اخس اخس هذا انت كل العلوم عندك
احمود بيكمل : ايه وبعد صار ..
قاطعه عبدالعزيز اندبلة كبده من الخراط : اقول انخمد والله ماعندك ماعند جدتي
احمود يعني انصدمت : افا ما هقيته ..
عبدالعزيز معصب وبيصرف : اقول وين وصلت بس
احمود : متعدين الغاط لي شوي
عبدالعزيز معصب : لامنك اقبلت على الرياض دق علي
احمود : صدق وش يبي يصير على سلمان
عبدالعزيز: ابيطلع الحين ان شاءالله
احمود بيعصب فيه: يعني ماهم قاصينه
عبدالعزيز عصب زياده ورد وهو عاضن سنونه: فال الله ولا فالك ما انت واصلن الرياض الا سلمان طالع اقولك
احمود : طيب مارحت لمه انت
عبد العزيز قاطعه :اقول تراك اشغلتن بـ اسئلتك هذاي ابروح لـ سلمان وعلمك وش يصير ابسكر تبي شي
احمود : لا الحين ماابي شي بس بعد شـ..و.
يقاطعه عبدالعزيز خلاص على الإتش من التعصيب : وقسم بـ الله ان ما انظبطت لا اجيك واتوطاك تراه واصلتن راس خشمي من البارح
احمود : وشي اللي واصلتن راس خشمك لاتصير بالمغطس وتسبح
عبدالعزيز صار مايشوف من القهر وصاااارخ وينفظ قميصه من عند صدره : يـــوووووه ياوووويلي ويلاه انقلع الله يلعن ابو الجوالات
واحمود ما سمع غير :: طووط طووط

(اتوقع ان عبدالعزيز صك الجوال بـ اقرب جدار عنده ههههههه)

سند مسك جواله طالع من سوق التمر محمل موتره الشاص (تمر) ويبي يروح لـ الرياض يبيع هناك على شان اذا رجع يشيل االاثاث مع احمود

مسك موبايله وضغط الخضراء اتصال ... .. .

احمود يرد : هلا والله مشيت
سند : عند اخر اشاره هه هذا ولعت خضراء بسم الله امنت بالله
احمود يرد : سبحانه لا اله الا هو همن قال لايصير جايبن تمرن واجد ولاتبيعه ونبلشبه هناك
سند فهمه : هههههه خايف ما نجيب اغراضك لو اشيلهن على راسي ولا يهمك بس وين وصلت
احمود تذكر عبدالعزيز وضحك : هههههه انا حول المجمعه
سند يضحك معه: ههههههه وش يضحك
احمود متندم: هههه الله يعينن على اعزيز الظاهر انه يبي يلاقين الحين
سند : وش انت مصلحن بوه
احمود : هبلت بوه والظاهر انه يبي ينتحر
سند يضحك : ههههههه ابتصل عليه واشوف عنه يالله مع السلامه ولا تسرع على شان الحقك
احمود : ابنتظرك بمحطة المجمعه خلاص
سند : خلاص طررررااااع بالسماعه

عند عبدالعزيز راكب سيارته ومسكرن عليه سياره قدامه وسياره خلفه وحمقان من احمود وقافلة زود من اللي مسكر عليه الطريق .. ومره يقدم ومره يرجع وكل تحركة قدام صدم السياره اللي قدامه واذا رجع صدم اللي وراه

جاه اتصال
اخذ جواله عبدالعزيز وهو معصب: نــعــم
سند باخلاق : السلام عليكم
عبدالعزيز مقفله معه : نعم وعليكم السلام
سند : سلامات وش فيك معصب
عبدالعزيز عاضن لسانه وهويلف الدراكسون : من دبلة التسسبد احمود الى ملعون رقبتن مسكرن علي ما اقدر اطلع
سند يسوي اخلاق: هونه وتهون
عبدالعزيز منبطه كبده : يا ويلي ويلاه عجسسست لا اطلع السياره
سند : اصبر لمين اجي وبشنب الشاص ادفره لك
عبدالعزيز جاه احباط وهو منفعل: تراي منا فاضي يا سند والله ان ما حملتن حملي لا اجيك وتوطى حوض بطنك
سند ادهرت التتنيحه : وشلون تجي لايصير انت حولي بالقصيم
عبدالعزيز يفححح بقهر : وين حولك وين انا وين انت انتم تبون تجيبون لي الصمرقع انت واحمود تكفون من البارح بلشن بسلمان وملعون الرقبه البنقالي ولا نمت الا بعد الفجر وحنا من مرور للمستشفى للحجز ما ادري وش تاليته
سند بيرجع الموضوع : ترى معي حبل انتسسان تبي اسحـبـ..
قاطعه عبدالعزيز وهوما فيه حيل يرد خلاص طفى : سند وقسم بالله ان ما سكرت السماعه اني لا اصيح تراه مقفلتن معي
سند يبي يطلع شيب راسه :وشي اللي مقفله لاتصير السياره وانت ما معك مفتاح اسبير .
عبدالعزيز من القهر اللي فيه صــرخ صـرخــه يسمعونه اهل الرياض كلهم : ســــــــــــــنـــــــد وقسـم بالله مابي حيل تراي ابززززننه (يعني بصيح)
سند : خلاص خلاص مع السلامه وطمنا على سلمان
عبدالعزيز شكل صرخته جابت نتيجه وصار هادي : ان شاء الله

عند احمود يسولف على محمد بالجوال .

احمود : ياحسافت الجيب الكزس
محمد : قهر بس خلها على ربك
احمود : لا اله الا هو
محمد : ما تدري سند مشى او لا
احمود : الا هذاه طالعن من الديره
محمد : زين تبي شي
احمود : ايه حاول تجي ترانا دجاجن صقع بلياك
محمد : هههههه ابشر اذا خلصت شغلي قبل تجون اجيكم لو على طياره وارجع معكم
احمود : ايو الله تكفى
محمد : ابشر ان شاء الله
احمود : يالله بمان الله
محمد : هلا امنك الله ومن قرى والسامعين ......> (*ــ^)

  


تحياتي والفـ ورررررررررررردهـ للجميع

    

المصدر: http://www.3nzh.com/vb/t58756.html

يلا صبايا يا حلوات وش رايكن
بتجنن صح هالقصة
هههههههههههههههههههههههههههههههههههههههههههه

يب كتييييييييييييييييير حلوه

كله من ذوقك حبيبتي

ذذذوقك روعععععه